Өткөн жылы борбор калаанын мэриясы биз менен биргеликте мамлекеттик-жеке өнөктөштүктүн алкагында “Тулпар” автобустары менен троллейбустарына электрондук билет сатуу долбоорун ишке ашырган.
2020-жылдын 1-мартында Тулпар тутуму толугу менен иштей баштады. Башында COVID-19 пандемиясы менен байланышкан кыйынчылыктарга карабастан, шаардыктар “Тулпар” карталарын жактырышты. Ушул убакыт аралыгында картага саякаттоонун жалпы саны болжол менен 3,5 миллион сапарды түздү. Шаардыктар 140 миңге жакын көк стандарт карталарын сатып алышты, бишкектиктердин жеңилдетилген категориясы 42 миңден ашык кызыл карталарды акысыз алышты, ал эми дээрлик 10 миң мектеп окуучулары жашыл карталарды алышты.
www.tulpar-card.kg веб-сайты ачылып, анда накталай эмес эсептешүүлөргө, мектеп карточкасын берүүгө байланыштуу бардык суроолорго жооп алууга болот, ошондой эле жарандар менен байланышуу үчүн чалуу борбору, телеграмда жана ватсапта чаттар ачылды, Facebook, Instagram, Twitter, Tiktok социалдык тармактарында баракчалар да активдүү жүргүзүлүүдө.
Жүргүнчүлөргө ыңгайлуу болушу үчүн мобилдик тиркеме иштелип чыкты, анын жардамы менен балансты көзөмөлдөп, билеттерди сатып алууга, виртуалдык карта аркылуу төлөө жүргүзүүгө болот жана келечекте трафикти онлайн режиминде көзөмөлдөө мүмкүнчүлүгүнө ээ болот. Ошондой эле NFC технологиясы аркылуу төлөө мүмкүнчүлүгү киргизилген. Эми сиз виртуалдык картага кайрылып, NFC колдоосу менен Android смартфондору менен жол акысын төлөй аласыз. Долбоорду модернизациялоо боюнча иштер улантылууда.
Урматтуу жарандар! Накталайсыз төлөө тарифине которулуңуз. Артыкчылыктары айдан ачык: коопсуздук, чыгымдардын ачык-айкындуулугу, эң негизгиси, накталай акча менен байланыш жок. Жүргүнчүлөргө ишеними үчүн чын жүрөктөн ыраазычылык билдиребиз!
Recent Comments